Agjencia e Sigurimit të Depozitave për nevoja të plotësimit të vendeve të punës, shpall për konkurim 3 vende të lira pune, në pozicionet si vijon:n

1. “Përgjegjës Sektori” pranë Sektorit të Administratës dhe Burimeve Njerëzore;
2. “Specialist i marrëdhënieve me publikun” në Sektorin e Marrëdhënieve me Publikun;
3. “Shofer” në Sektorin e Administratës dhe Burimeve Njerëzore;

Kandidatët që kërkojnë të aplikojnë për konkurim duhet të plotësojnë kriteret e mëposhtme:nn Kritere të përgjithshme:nn Të kenë shtetësinë shqiptare;n

• Të gëzojnë zotësi të plotë për të vepruar;
• Të përmbushin kërkesat për llojin dhe nivelin arsimor, si dhe të zotërojnë aftësitë profesionale të domosdoshme për vendin përkatës të punës sipas kritereve të miratuara;
• Të jenë të aftë për punë;
• Të mos jenë të dënuar me një vendim gjykate të formës së prerë për kryerjen e një krimi;
• Të mos jetë marrë ndaj tyre masa disiplinore e largimit nga puna për shkak të një shkeljeje të rëndë disiplinore;
• Të angazhohen të respektojnë zbatimin e ligjit “Për Sigurimin e Depozitave”, të ndryshuar, si dhe dispozitat e tjera ligjore dhe nënligjore në fuqi.

Kritere specifike për pozicionin e punës “Përgjegjës i Sektorit të Administratës dhe Burimeve Njerëzore ”

• Preferohet të jetë diplomuar në Fakultetin Ekonomik;
• Të ketë jo më pak se 5 vjet eksperiencë pune në nivel administrimi;
• Preferohet përvoja ndërkombëtare në administrim;
• Aftësi për të kuptuar propozimet dhe vendimet e çdo niveli dhe për ti zbatuar ato;
• Të ketë aftësi për të kryer me përgjegjësi detyrën në përputhje me aktet ligjore në fuqi;
• Aftësi komunikuese me shkrim (në hartimin e shkresave zyrtare) e me gojë;
• Njohuri në përdorimin e programe Word, Excel, Power Point;
• Njohuri të mira të gjuhës angleze; njohja e një gjuhe të dytë ndërkombëtare përbën avantazh;
• Nota mesatare preferohet mbi 8 (tetë).

Kritere specifike për pozicionin e punës “Specialist i marrëdhënieve me publikun” pranë Sektorit të Marrëdhënieve me publikun:

• Preferohet të jetë diplomuar në Fakultetin Juridik/ekonomik/gazetari/shkenca filologjike;
• Aftësi për të kuptuar propozimet dhe vendimet e çdo niveli dhe për t’i zbatuar ato;
• Të kenë aftësi për të kryer me përgjegjësi detyrën në përputhje me aktet ligjore në fuqi;
• Aftësi komunikuese me shkrim (në hartimin e shkresave zyrtare) e me gojë;
• Njohuri në përdorimin e programeve bazë kompiuterike Word, Excel, Power Point;
• Njohuri shumë të mira të gjuhës angleze;
• Të ketë aftësi shumë të mira të  komunikimit dhe punës në grup;
• Të jetë i aftë të kryejë detyra të tjera të caktuara nga eprorët përkatës.

Kritere specifike për pozicionin e punës “Shofer” pranë Sektorit të Administratës dhe Burimeve Njerëzore:

• Kandidati duhet të ketë të paktën arsim të mesëm;
• Të zotërojë dëshmi aftësie për drejtim automjeti prej të paktën 5 vjetësh;
• Të kenë aftësi për të kryer me përgjegjësi detyrën në përputhje me aktet ligjore në fuqi;
• Të ketë aftësi shumë të mira komunikuese;
• Të jetë i aftë të kryejë detyra të tjera të caktuara nga eprorët përkatës.

• Aftësi për të kuptuar propozimet dhe vendimet e çdo niveli dhe për t’i zbatuar ato;

Kandidatët që do të aplikojnë për konkurim duhet të paraqesin dokumentet e mëposhtme:

• Curriculum Vitae;
• Diplomë të shkollës së lartë/të mesme (sipas kërkesës së vendit përkatës së punës);
• Listë notash;
• Vërtetim shëndetësor nga Komisioni Mjeko-Ligjor;
• Vërtetim nga prokuroria, gjykata dhe dëshmi penaliteti, ku të vërtetohet që nuk jeni i dënuar ose në ndjekje penale
• Çertifikatë e gjendjes familjare;
• Të mos jetë i larguar nga puna për masa disiplinore në bazë të ligjit për nëpunësin e shërbimit civil në Republikën e Shqipërisë dhe/ ose Kodit të Punës;
• Fotografi 2 copë;
• Fotokopje e ID-së.

Si dhe të paraqiten pranë Agjencisë së Sigurimit të Depozitave (Rruga Elbasanit, Pall Edil Al It, Nr. 317, Tiranë) për të tërhequr formën e aplikimit, çdo ditë pranë Sektorit të Administratës dhe Burimeve Njerëzore ose mund ta gjejnë atë në link-un e mëposhtëm në faqen tonë zyrtare në internet:nn www.asd.gov.alnnKonkurimi në Agjencinë e Sigurimit të Depozitave bëhet në bazë të proçedurave të miratuara nga Këshilli Drejtues i Agjencisë me dy faza:

1. Në fazën e parë, bëhet përzgjedhja e kandidatëve që do t’i nënshtrohen testimit të mëtejshëm, e cila konsiston në verifikimin nëse dokumentacioni i paraqitur nga çdo kandidat vërteton plotësimin e kërkesave të përgjithshme dhe të kërkesave specifike, të përcaktuara në shpalljen për konkurim. Vetëm kandidatët që plotësojnë këto kërkesa, i nënshtrohen fazave të mëtejshme të konkurimit.n
2. Në fazën e dytë, zhvillohet testimi i kandidatëve në dy etapa:

1. për zotërimin e gjuhës angleze;
2. për nivelin e njohurive profesionale.

Në qoftë se rezultati i testimit për zotërimin e gjuhës së huaj është nën nivelin minimal të përcaktuar, kandidati nuk kualifikohet për fazat e mëtejshme të konkurimit.nnDokumentacioni të paraqitet brenda datës 23. 03. 2016. Pas kësaj date nuk pranohet asnjë dokument. Data e zhvillimit të fazës së dytë të konkurimit do të caktohet në një njoftim të dytë.

• Kandidati, i cili dëshiron të konkurrojë, mund të paraqitet çdo ditë pranë Agjencisë së Sigurimit të Depozitave, për tu njohur me kriteret e vendeve të punës të shpallura për konkurim dhe për të plotësuar kërkesën përkatëse sipas formatit të miratuar nga Agjencia;
• Dokumentacioni i kërkuar të dorëzohet në Agjencinë e Sigurimit të Depozitave, i mbyllur në zarf me adresën përkatëse dhe të jetë i plotësuar sipas kërkesave të mësipërme.

(Dokumentacioni duhet të jetë origjinal ose fotokopje e noterizuar, mosparaqitja e plotë e dokumentacionit sjell skualifikim të kandidatit).