Kush sigurohet nga skema
e sigurimit së depozitave?

Sigurimi i depozitave bazohet në parimin për depozitues për bankë/shkk, çka do të thotë që çdo depozitues ka të garantuar të drejtën e sigurimit të depozitave në secilën bankë/shkk anëtare të skemës së sigurimit të depozitave në Shqipëri.
ASD siguron depozitat e individëve shqiptarë dhe të huaj, tregtarëve dhe shoqërive tregtare në Lekë dhe monedhë të huaj në masën 100%, por në çdo rast jo më shumë se 2,500,000 Lekë për çdo bankë dhe 2,000,000 Lekë për çdo shoqëri kursim krediti.
Depozitat janë shuma në një llogari bankare të cilat mund të klasifikohen si depozita me afat ose pa afat, llogari rrjedhëse, llogari kursimi, depozita apo llogari të tjera bankare, kombinime të produkteve bankare të sipërcituara, të cilat janë të sigurueshme nga Agjencia.

Depozitate pasigurueshme në bazë të ligjit janë:

pjesa e depozitës mbi nivelin maksimal të mbulimit (2.500.000 lekë për depozitat në banka dhe 2.000.000 lekë për depozitat në shoqëritë e kursim kreditit);
depozitat nën vlerën 100 lekë;
depozitat e vendosura në emër ose për llogari të institucioneve financiare të licencuara nga Banka e Shqipërisë dhe Autoriteti i Mbikëqyrjes Financiare;
depozitat e drejtorit, administratorit në bankë dhe familjarëve të tyre, sipas certifikatës së gjendjes familjare;
depozitat e aksionerëve të bankës apo shoqërisë së kursim-kreditit që zotërojnë aksione në masën 5 % (përqind) ose më shumë në kapitalin e këtyre subjekteve anëtare të skemës së sigurimit të depozitave;
depozitat e prejardhura nga veprimtari të lidhura me pastrimin e parave dhe financimin e terrorizmit,të cilat janë deklaruar të paligjshme me vendim gjykate të formës së prerë;
depozitat e shoqërive të sigurimit dhe risigurimit, vendase ose të huaja;
depozitat e subjekteve tësipërmarrjes ose investimeve kolektive, vendase ose të huaja;
depozitat e fondeve të pensionit ose sigurimit pensional, vendase ose të huaja;
tituj të emetuar nga subjekte financiare dhe çdo lloj detyrimi tjetër që këto subjekte kanë bazuar mbi marrëveshjet e tyre të premtimit;
depozitat e njësive të pushtetit qendror ose vendor, si dhe çdo enti publik të Republikës së Shqipërisë ose të një vendi të huaj;
depozitat të paemërtuaradhe/ose titulli i të cilave nuk përcaktohet qartë;
depozitat e vendosura në subjektin anëtar të skemës së sigurimit të depozitave gjatë dhe pas ditës së ngjarjes së sigurimit në këtë subjekt;
depozitat e anëtarëve të organeve drejtuese të shoqërisë së kursim-kreditit, sipas përcaktimeve në ligjin për shoqëritë e kursim-kreditit, përveç asamblesë së përgjithshme;
depozitat e personave juridikë, përveç atyre të përcaktuara në pikën 17, të nenit 3, të  ligjit “Për sigurimin e depozitave”.

Nuk kompensohen depozitat, mbajtësi i të cilave nuk është identifikuar në datën e vendimit të Bankës së Shqipërisë për vendosjen e një banke/shkk-je në likuidim të detyruar.
Tëgjitha bankat dhe shoqëritë e kursim kreditit të licencuara nga Banka e Shqipërisë për të pranuar depozita janë të detyruara të marrin pjesë në skemën e sigurimit të depozitave.
Sigurimi i depozitave nga ASD deri më tani mbulon depozitat pranë këtyre bankave dhe shoqëri kursim-krediti anëtarë të skemës së sigurimit të depozitave.

Kush sigurohet nga skema e sigurimit së depozitave

Sa është shuma
e kompensimit

Kur do të marr
shumën e kompensimit

Si përfitohet shuma
e kompensimit

Filloni të shkruani dhe shtypni enter për të kërkuar

Scroll to Top