Z. Shkëlzen Margjeka

Shkëlzen Margjeka, auditues ligjor është anëtar i Institutit të Ekspertëve Kontabël të Autorizuar që nga viti 2008, partner anagzhimi dhe administrator i shoqërisë audituese “ACA MARGJEKA” shpk si dhe anëtar i Këshillit Drejtues të ASD.
Shkëlzen Margjeka ka qënë anëtar i Këshillit Drejtues të Institutit të Ekspertëve Kontabël të Autorizuar për përiudhën 2012-2021 si dhe Kryetar i Komitetit të Investigimit dhe Disiplinës të IEKA-s. Në vitin 1995-1999  ka qënë kryetar i Union e Pavarur Studentor Shqiptar.
Shkëlzen Margjeka ka mbaruar Fakultetin Ekonomik, Dega Finance-Kontabilitet në vitin 1998, ka mbaruar kursin pasuniversitar Financë-Bankë, Fakulteti – Ekonomik, Universiteti i Tiranës, viti 2000-2001 si dhe në vitin 2012-2014 ka mbaruar Master Shkencor në Finance-Banke, Universiteti Europian i Tiranës. Ai ka kryer kualifikime profesionale në vazhdimësi nga eksperte vendas dhe të huaj.
Shkëlzen Margjeka që nga viti 2000 e në vazhdim ka punuar si drejtor finance  në kompani sigurimi, kompani vendase dhe të huaja, ka dhënë konsulence financiare dhe fiskale,  ka ofruar shërbime në auditim-kontabilitet, ka bërë monitorime dhe kontrolle financiare  pranë KQZ, si dhe ka kryer akt-ekspertime në gjykatë dhe prokurori.

Znj. Vasilika Vjero

Zj.Vasilika Vjero ka lindur në qytetin e Tiranës në vitin 1976.
Zj.Vjero është diplomuar në Universiteti i Tiranës,  Fakulteti i Ekonomisë, në degën  Administrim Biznesi në vitin 1998. Në vitin 2003 përfundon një master nga Universiteti i Nebraskës, Lincoln USA, programi Master në Administrimin Publik në bashkëpunim me Universitetin e Tiranës, Fakulteti i Ekonomisë. Ajo gjithashtu është trajnuar lidhur me çështje të rritjes ekonomike nga Harvard Kennedy School.
Zj.Vjero ka mbajtur poste të larta drejtuese si, Drejtori i Përgjithshëm i Tatimeve, Drejtor i Përgjithshëm i Qendrës Kombëtare të Biznesit, Drejtor i Përgjithshëm i Autoritetit Rrugor Shqiptar.  Në karrierën e saj  numëron më shumë se 10 vite eksperiencë pune për Bashkinë e Tiranës në menaxhimin e Administratës Tatimore dhe Departamentit të Planifikimit Strategjik dhe buxheteve vendore, si dhe nje sërë eksperiencash si ekspert financiar me donatorë të huaj. Po ashtu ka shërbyer si ekspert i pavarur fiskal dhe buxhetor për qeverisjen lokale në Shqipëri për një total prej 24  bashkish dhe komunash në të gjithë vendin.
Zj.Vjero zotëron gjuhën angleze dhe atë italiane.

Z. Genci Mamani

Genci Mamani është Drejtor i Përgjithshëm i Agjencisë së Sigurimit të Depozitave dhe njëkohësisht anëtar i Këshillit Drejtues të saj.
Z. Mamani, ka mbaruar studimet në vitin 1991 pranë Universitetit të Tiranës, Fakulteti i Ekonomisë, Dega Financë.
Në vitin 2001 kreu studimet pasuniversitare pranë Universitetit Wisconsin – La Cross për financë – bankë. Në vitin 2012 ka kryer studimet pasuniversitare në nivelin master për Administrim Biznesi pranë International Hellenic University, në Selanik, Greqi.
Karrierën e tij Z. Mamani e ka nisur në vitin 1991 si ekonomist në Bankën e Shtetit. Më pas ka punuar pranë Bankës FEFAD (sot ProCredit Bank), Bankën Italo – Shqiptare  dhe më tej pranë Bankës së Shqipërisë deri në vitin 2015 duke mbajtur poste drejtuese në këto institucione.  Në korrik të vitit 2015 ai mori detyrën e Drejtorit të Agjencisë së Sigurimit të Depozitave.
Zoti Mamani zotëron gjuhët anglisht dhe italisht.

Z. Donald Duraj

Z. Donald Duraj është emëruar në detyrën e Kryetarit të Këshillit Drejtues të Agjencisë së Sigurimit të Depozitave në vitin 2015. Z. Donald Duraj ka një karrierë progresiste më shumë se 10-vjecare në sistemin bankar, pjesë integrale e së cilës kanë qenë pjesëmarrja mjaft aktive dhe arritjet e suksesshme brenda institucioneve të ndryshme prestigjioze financiare lokale dhe atyre në rrjetin ndërkombëtar si në Austri, Poloni, Sllovaki, Ukrainë e Bjellorusi. Që prej vitit 2015 Z. Duraj mban detyrën e Shefit të Kabinetit të Guvernatorit të Bankës së Shqipërisë me përgjegjësi këshillimi, asistimi, raportimi dhe koordinimi për të gjitha çështjet e lidhura me mbarëvajtjen dhe mirëfunksionimin e Kabinetit por dhe të departamenteve të tjera të Bankës së Shqipërisë. Nga viti 2010 e deri në vitin 2015 Përgjegjës i Sektorit të Organizimit Komercial dhe Zhvillimit të Tregut në Bankën Societe Generale Albania duke luajtur një rol kryesor drejtimin strategjik, planifikimin afat-shkurtër dhe afat-gjatë, përcaktimin e objektivave kryesore, koordinimin e marrëdhënieve ndër-divizionale dhe ndër-institucionale, në nivel lokal dhe ndërkombëtar, me kompani publike dhe private, etj. Gjatë kësaj periudhe Z. Duraj ka drejtuar me sukses të paktën 15 projekte, ndër më të rëndësishmit për Bankën, dhe me një ndikim të drejtpërdrejtë në zgjerimin e aktivitetit në tregun lokal dhe në rritjen e përfitueshmërisë. Z. Duraj ka punuar nga viti 2005 deri në vitin 2010 në Raiffeisen Bank Albania dhe Raiffeisen Intenational Austria duke mbuluar pozicione kyçe të karakterit operacional dhe strategjik. Më të rëndësishmet prej tyre janë si Përgjegjës i Segmentit të Individëve, Përgjegjës i Produkteve i Kredisë Konsumatore, Drejtues i Projekteve në Programin “Retail Leadership” pranë Raiffeisen Intenational Austria, etj. Z. Duraj ka përfunduar studimet e larta në Fakultetin Ekonomik, Dega Financë – Profili Bankë, pranë Universitetit të Tiranës.

05/14/2024

DELEGACIONI I FONDIT KOMBËTAR TË SIGURIMIT TË DEPOZITAVE TË HUNGARISË VIZITOI AGJENCINË E SIGURIMIT TE DEPOZITAVE

Bazuar në marrëveshjen dypalëshe të bashkëpunimit ndërmjet Fondit Kombëtar të Sigurimit të Depozitave të Hungarisë dhe Agjencisë së Sigurimit të Depozitave, e cila synon shkëmbimin e informacionit dhe përvojës profesionale në fushën e sigurimit të depozitave dhe financimit të ndërhyrjes së jashtëzakonshme, nënshkruar më 21 tetor 2022, një delegacion tre anëtarësh i FKSD të Hungarisë, vizitoi Agjencinë e Sigurimit të Depozitave në Tiranë, në datat 10-12 prill. Vizita kishte për qëllim diskutimin mbi rishikimin që po i bëhet aktualisht direktivës së sigurimit të depozitave të Bashkimit Evropian, si dhe për zhvillimet aktuale në dy skemat e sigurimit të depozitave.

Bazuar në marrëveshjen dypalëshe të bashkëpunimit ndërmjet dy institucioneve të lidhur në fund të vitit 2022, zyrtarët hungarezë dhe shqiptarë të sigurimit të depozitave prezantuan sistemet dhe funksionimin e skemave të sigurimit të depozitave si dhe financimin e ndërhyrjes së jashtëzakonshme në të dy vendet, përkatësisht të ngritura në vitet 1993 dhe 2002, ashtu si dhe fushat përkatëse të së drejtës që preken nga rregulloret e Bashkimit Evropian që janë në shqyrtim që nga prilli 2023.

Marrëdhëniet dypalëshe shqiptaro-hungareze janë veçanërisht të rëndësishme duke marrë në konsideratë që prania e bankës tregtare më të madhe hungareze, Banka OTP, në Shqipëri është rritur ndjeshëm në periudhën e fundit, si rezultat i së cilës filiali shqiptar i Bankës OTP është tashmë banka e pestë më e madhe në Shqipëri dhe një nga katër bankat me rëndësi sistemike.

Një vit më parë, në mesin e prillit 2023, Komisioni i Bashkimit Evropian publikoi paketën e tij të propozimeve për ndryshime në kuadrin ligjor për menaxhimin e krizave dhe sigurimin e depozitave, i cili pritet të sjellë ndryshime të rëndësishme në legjislacionin kombëtar të shteteve anëtare në fushën e sigurimit të depozitave dhe financimit të ndërhyrjes së jashtëzakonshme në të ardhmen e afërt. Shqipëria, si vend kandidat për anëtarësim në Bashkimin Evropian, po përshtat gradualisht kuadrin e saj ligjor të sigurimit të depozitave dhe financimit të ndërhyrjes së jashtëzakonshme me kërkesat e BE-së dhe për këtë arsye ka një interes të qenësishëm për përvojën hungareze të 20 viteve të fundit.

Me rastin e këtij takimi profesional, krahas çështjeve të BE-së, palët shqyrtuan, ndër të tjera, mundësitë e avancimit të teknologjisë së informacionit në procedurat e kompensimit të depozitave, çështjet aktuale të sigurisë së informacionit lidhur me sigurimin e depozitave, duke përfshirë në veçanti çështjet e sigurisë kibernetike, ndryshimin e rolit të institucioneve të sigurimit të depozitave në rrjetin e sigurisë financiare, në lidhje me masat parandaluese dhe alternative, si dhe roli i siguruesve të depozitave në procesin e likuidimit të subjekteve anëtare të skemës.

Filloni të shkruani dhe shtypni enter për të kërkuar

Scroll to Top