Z. Shkëlzen Margjeka

Shkëlzen Margjeka, auditues ligjor është anëtar i Institutit të Ekspertëve Kontabël të Autorizuar që nga viti 2008, partner anagzhimi dhe administrator i shoqërisë audituese “ACA MARGJEKA” shpk si dhe anëtar i Këshillit Drejtues të ASD.
Shkëlzen Margjeka ka qënë anëtar i Këshillit Drejtues të Institutit të Ekspertëve Kontabël të Autorizuar për përiudhën 2012-2021 si dhe Kryetar i Komitetit të Investigimit dhe Disiplinës të IEKA-s. Në vitin 1995-1999  ka qënë kryetar i Union e Pavarur Studentor Shqiptar.
Shkëlzen Margjeka ka mbaruar Fakultetin Ekonomik, Dega Finance-Kontabilitet në vitin 1998, ka mbaruar kursin pasuniversitar Financë-Bankë, Fakulteti – Ekonomik, Universiteti i Tiranës, viti 2000-2001 si dhe në vitin 2012-2014 ka mbaruar Master Shkencor në Finance-Banke, Universiteti Europian i Tiranës. Ai ka kryer kualifikime profesionale në vazhdimësi nga eksperte vendas dhe të huaj.
Shkëlzen Margjeka që nga viti 2000 e në vazhdim ka punuar si drejtor finance  në kompani sigurimi, kompani vendase dhe të huaja, ka dhënë konsulence financiare dhe fiskale,  ka ofruar shërbime në auditim-kontabilitet, ka bërë monitorime dhe kontrolle financiare  pranë KQZ, si dhe ka kryer akt-ekspertime në gjykatë dhe prokurori.

Znj. Vasilika Vjero

Zj.Vasilika Vjero ka lindur në qytetin e Tiranës në vitin 1976.
Zj.Vjero është diplomuar në Universiteti i Tiranës,  Fakulteti i Ekonomisë, në degën  Administrim Biznesi në vitin 1998. Në vitin 2003 përfundon një master nga Universiteti i Nebraskës, Lincoln USA, programi Master në Administrimin Publik në bashkëpunim me Universitetin e Tiranës, Fakulteti i Ekonomisë. Ajo gjithashtu është trajnuar lidhur me çështje të rritjes ekonomike nga Harvard Kennedy School.
Zj.Vjero ka mbajtur poste të larta drejtuese si, Drejtori i Përgjithshëm i Tatimeve, Drejtor i Përgjithshëm i Qendrës Kombëtare të Biznesit, Drejtor i Përgjithshëm i Autoritetit Rrugor Shqiptar.  Në karrierën e saj  numëron më shumë se 10 vite eksperiencë pune për Bashkinë e Tiranës në menaxhimin e Administratës Tatimore dhe Departamentit të Planifikimit Strategjik dhe buxheteve vendore, si dhe nje sërë eksperiencash si ekspert financiar me donatorë të huaj. Po ashtu ka shërbyer si ekspert i pavarur fiskal dhe buxhetor për qeverisjen lokale në Shqipëri për një total prej 24  bashkish dhe komunash në të gjithë vendin.
Zj.Vjero zotëron gjuhën angleze dhe atë italiane.

Z. Genci Mamani

Genci Mamani është Drejtor i Përgjithshëm i Agjencisë së Sigurimit të Depozitave dhe njëkohësisht anëtar i Këshillit Drejtues të saj.
Z. Mamani, ka mbaruar studimet në vitin 1991 pranë Universitetit të Tiranës, Fakulteti i Ekonomisë, Dega Financë.
Në vitin 2001 kreu studimet pasuniversitare pranë Universitetit Wisconsin – La Cross për financë – bankë. Në vitin 2012 ka kryer studimet pasuniversitare në nivelin master për Administrim Biznesi pranë International Hellenic University, në Selanik, Greqi.
Karrierën e tij Z. Mamani e ka nisur në vitin 1991 si ekonomist në Bankën e Shtetit. Më pas ka punuar pranë Bankës FEFAD (sot ProCredit Bank), Bankën Italo – Shqiptare  dhe më tej pranë Bankës së Shqipërisë deri në vitin 2015 duke mbajtur poste drejtuese në këto institucione.  Në korrik të vitit 2015 ai mori detyrën e Drejtorit të Agjencisë së Sigurimit të Depozitave.
Zoti Mamani zotëron gjuhët anglisht dhe italisht.

Z. Donald Duraj

Z. Donald Duraj është emëruar në detyrën e Kryetarit të Këshillit Drejtues të Agjencisë së Sigurimit të Depozitave në vitin 2015. Z. Donald Duraj ka një karrierë progresiste më shumë se 10-vjecare në sistemin bankar, pjesë integrale e së cilës kanë qenë pjesëmarrja mjaft aktive dhe arritjet e suksesshme brenda institucioneve të ndryshme prestigjioze financiare lokale dhe atyre në rrjetin ndërkombëtar si në Austri, Poloni, Sllovaki, Ukrainë e Bjellorusi. Që prej vitit 2015 Z. Duraj mban detyrën e Shefit të Kabinetit të Guvernatorit të Bankës së Shqipërisë me përgjegjësi këshillimi, asistimi, raportimi dhe koordinimi për të gjitha çështjet e lidhura me mbarëvajtjen dhe mirëfunksionimin e Kabinetit por dhe të departamenteve të tjera të Bankës së Shqipërisë. Nga viti 2010 e deri në vitin 2015 Përgjegjës i Sektorit të Organizimit Komercial dhe Zhvillimit të Tregut në Bankën Societe Generale Albania duke luajtur një rol kryesor drejtimin strategjik, planifikimin afat-shkurtër dhe afat-gjatë, përcaktimin e objektivave kryesore, koordinimin e marrëdhënieve ndër-divizionale dhe ndër-institucionale, në nivel lokal dhe ndërkombëtar, me kompani publike dhe private, etj. Gjatë kësaj periudhe Z. Duraj ka drejtuar me sukses të paktën 15 projekte, ndër më të rëndësishmit për Bankën, dhe me një ndikim të drejtpërdrejtë në zgjerimin e aktivitetit në tregun lokal dhe në rritjen e përfitueshmërisë. Z. Duraj ka punuar nga viti 2005 deri në vitin 2010 në Raiffeisen Bank Albania dhe Raiffeisen Intenational Austria duke mbuluar pozicione kyçe të karakterit operacional dhe strategjik. Më të rëndësishmet prej tyre janë si Përgjegjës i Segmentit të Individëve, Përgjegjës i Produkteve i Kredisë Konsumatore, Drejtues i Projekteve në Programin “Retail Leadership” pranë Raiffeisen Intenational Austria, etj. Z. Duraj ka përfunduar studimet e larta në Fakultetin Ekonomik, Dega Financë – Profili Bankë, pranë Universitetit të Tiranës.

Data e publikimit: 11/06/2015
Data e skadimit: 17/06/2015

Specialist i Jashtëm në kuadër të kontraktimit të mbikqyrjes, të kolaudimit dhe ndjekjes së punimeve ndërtimore dhe të kondicionimit dhe ajrimit në ASD

Në zbatim të Urdhërit të Drejtorit të Përgjithshëm nr.___, datë 11.06.2015, “ Për ngritjen e grupit të punës për përzgjedhjen e “Specialist i Jashtëm në kuadër të kontraktimit të mbikqyrjes, të kolaudimit  dhe ndjekjes së punimeve ndërtimore dhe të kondicionimit dhe ajrimit në ASD””, si dhe në zbatim të kritereve të përcaktuara në nenin 6, pika 2 të rregullores “Për marrëdhëniet e Agjencisë së Sigurimit të Depozitave me bashkëpunëtorë të jashtëm” të miratuar me vendimin e Këshillit Drejtues nr. 7, datë 29.03.2013, Grupi i Punës Ju informon si në vijim:nnMë datë 11.06.2015 në adresën zyrtare të Agjencisë, u shpall kërkesa për specialistë të jashtëm me objekt “Specialist i Jashtëm në kuadër të kontraktimit të mbikqyrjes, të kolaudimit  dhe ndjekjes së punimeve ndërtimore dhe të kondicionimit dhe ajrimit në ASD”, në të cilën u pasqyruan kërkesat për këtë pozicion pune, të hartuara nga SABNJ, të cilat janë:nnPërmbledhje e shkurtër e punës: nnNë bashkëpunim të ngushtë me Sektorin e Administratës dhe Burimeve Njerëzore do të ofrojë ekspertizën e tij teknike dhe dhënien e konsulencës në:n

  • hartimin e termave të referencës për kontraktimin e shërbimit të “Mbikqyerjes së punimeve ndërtimore dhe të kondicionimit dhe ajrimit”,
  • hartimin e termave të referencës për kontraktimin e shërbimit të “Kolaudimit të punimeve ndërtimore dhe të kondicionimit dhe ajrimit”,
  • përcaktimin e fondit limit për realizimin e dy procedurave të prokurimit të lartpërmendura, si dhe
  • ndjekjen e realizimit të punimeve ndërtimore si dhe të sistemit të kondicionimit dhe ajrimit në favor dhe për llogari të Agjencisë së Sigurimit të Depozitave”.

Njohuritë dhe aftësitë dhe eksperienca e kërkuar:

  • Të ketë arsimin e duhur në lidhje me profesionet e ndërtimit, mbështetur me diplomë të noterizuar.
  • Të ketë jo më pak se 3 vjet eksperiencë pune në fushën e punimeve ndërtimore, mbështetur nga një CV. Paraqitja e rekomandimeve/referencave nga punëdhënës të mëparshëm do të preferohej.
  • Të ketë jo më pak se 5 vjet eksperiencë në zbatimin dhe realizimin e procedurave të prokurimit të shërbimeve të ngjashme në institucione publike.
  • Të garantojë përfundimin e shërbimit brenda afateve të kërkuara kohore.
  • Të realizojë shërbimin e kërkuar sipas specifikimeve të kërkuara nga Agjencia.
  • Të ketë aftësitë e duhura për të garantuar shërbime të niveleve të larta.
  • Të ketë angazhimin për të përballuar mbingarkesë dhe punë me orar të zgjatur.
  • Të ketë aftësi shumë të mira të  komunikimit të punës në grup.

Gjithashtu u njoftua që kandidatët e interesuar duhet të paraqiten në Agjenci me datë 17.06.2015, ora 10.00 me dokumentacionin e nevojshëm.nnSa më sipër, sot më datë 17.06.2015, në orën 10:00, Grupi i Punës u mblodh në ambjentet e Agjencisë për të zhvilluar intervistimin e kandidatëve për përzgjedhjen e Specialistiëve të Jashtëm. U paraqit për intervistim Z. Artjan Plasari (bashkëlidhur kokumentacioni i dorëzuar).nnGrupi i Punës mbasi shqyrtoi dokumentacionin e kandidatitëve të paraqitur, drejtoi disa pyetje lidhur me njohuritë e tyre për Agjencinë, për përvojën e tyre profesionale dhe punime për subjekte të ngjashme, për aftësitë e punës në grup dhe organizimin e punës sipas kërkesave dhe afateve, etj. Gjithashtu u diskutuan detyrat specifike të kërkuara si dhe për mundësitë dhe afatet e realizimit të tyre.nnGrupi i Punës, bazuar dhe në zbatim të nenit 6, pika 2 dhe nenin 7, të Rregullores ”Për marrëdhëniet e Agjencisë së Sigurimit të Depozitave me bashkëpunëtorët e jashtëm”, të miratuar me vendimin e Këshillit Drejtues nr. 7, datë 29.03.2013, propozon përzgjedhjen e kandidaturave të Z. Artjan Plasari në detyrën “Specialist i Jashtëm në kuadër të kontraktimit të mbikqyrjes, të kolaudimit dhe ndjekjes së punimeve ndërtimore dhe të kondicionimit dhe ajrimit në ASD” për një periudhë nga data 22.06.2015 deri në përfundim të procesit të kryerjes dhe kolaudimit të punimeve ndërtimore por në çdo rast jo më vonë se data 30.09.2015.

Dokument: https://asd.gov.al/wp-content/uploads/2015/06/1.1.-Shpallja-ne-web.docx

Filloni të shkruani dhe shtypni enter për të kërkuar

Scroll to Top