Z. Shkëlzen Margjeka

Shkëlzen Margjeka, auditues ligjor është anëtar i Institutit të Ekspertëve Kontabël të Autorizuar që nga viti 2008, partner anagzhimi dhe administrator i shoqërisë audituese “ACA MARGJEKA” shpk si dhe anëtar i Këshillit Drejtues të ASD.
Shkëlzen Margjeka ka qënë anëtar i Këshillit Drejtues të Institutit të Ekspertëve Kontabël të Autorizuar për përiudhën 2012-2021 si dhe Kryetar i Komitetit të Investigimit dhe Disiplinës të IEKA-s. Në vitin 1995-1999  ka qënë kryetar i Union e Pavarur Studentor Shqiptar.
Shkëlzen Margjeka ka mbaruar Fakultetin Ekonomik, Dega Finance-Kontabilitet në vitin 1998, ka mbaruar kursin pasuniversitar Financë-Bankë, Fakulteti – Ekonomik, Universiteti i Tiranës, viti 2000-2001 si dhe në vitin 2012-2014 ka mbaruar Master Shkencor në Finance-Banke, Universiteti Europian i Tiranës. Ai ka kryer kualifikime profesionale në vazhdimësi nga eksperte vendas dhe të huaj.
Shkëlzen Margjeka që nga viti 2000 e në vazhdim ka punuar si drejtor finance  në kompani sigurimi, kompani vendase dhe të huaja, ka dhënë konsulence financiare dhe fiskale,  ka ofruar shërbime në auditim-kontabilitet, ka bërë monitorime dhe kontrolle financiare  pranë KQZ, si dhe ka kryer akt-ekspertime në gjykatë dhe prokurori.

Znj. Vasilika Vjero

Zj.Vasilika Vjero ka lindur në qytetin e Tiranës në vitin 1976.
Zj.Vjero është diplomuar në Universiteti i Tiranës,  Fakulteti i Ekonomisë, në degën  Administrim Biznesi në vitin 1998. Në vitin 2003 përfundon një master nga Universiteti i Nebraskës, Lincoln USA, programi Master në Administrimin Publik në bashkëpunim me Universitetin e Tiranës, Fakulteti i Ekonomisë. Ajo gjithashtu është trajnuar lidhur me çështje të rritjes ekonomike nga Harvard Kennedy School.
Zj.Vjero ka mbajtur poste të larta drejtuese si, Drejtori i Përgjithshëm i Tatimeve, Drejtor i Përgjithshëm i Qendrës Kombëtare të Biznesit, Drejtor i Përgjithshëm i Autoritetit Rrugor Shqiptar.  Në karrierën e saj  numëron më shumë se 10 vite eksperiencë pune për Bashkinë e Tiranës në menaxhimin e Administratës Tatimore dhe Departamentit të Planifikimit Strategjik dhe buxheteve vendore, si dhe nje sërë eksperiencash si ekspert financiar me donatorë të huaj. Po ashtu ka shërbyer si ekspert i pavarur fiskal dhe buxhetor për qeverisjen lokale në Shqipëri për një total prej 24  bashkish dhe komunash në të gjithë vendin.
Zj.Vjero zotëron gjuhën angleze dhe atë italiane.

Z. Genci Mamani

Genci Mamani është Drejtor i Përgjithshëm i Agjencisë së Sigurimit të Depozitave dhe njëkohësisht anëtar i Këshillit Drejtues të saj.
Z. Mamani, ka mbaruar studimet në vitin 1991 pranë Universitetit të Tiranës, Fakulteti i Ekonomisë, Dega Financë.
Në vitin 2001 kreu studimet pasuniversitare pranë Universitetit Wisconsin – La Cross për financë – bankë. Në vitin 2012 ka kryer studimet pasuniversitare në nivelin master për Administrim Biznesi pranë International Hellenic University, në Selanik, Greqi.
Karrierën e tij Z. Mamani e ka nisur në vitin 1991 si ekonomist në Bankën e Shtetit. Më pas ka punuar pranë Bankës FEFAD (sot ProCredit Bank), Bankën Italo – Shqiptare  dhe më tej pranë Bankës së Shqipërisë deri në vitin 2015 duke mbajtur poste drejtuese në këto institucione.  Në korrik të vitit 2015 ai mori detyrën e Drejtorit të Agjencisë së Sigurimit të Depozitave.
Zoti Mamani zotëron gjuhët anglisht dhe italisht.

Z. Donald Duraj

Z. Donald Duraj është emëruar në detyrën e Kryetarit të Këshillit Drejtues të Agjencisë së Sigurimit të Depozitave në vitin 2015. Z. Donald Duraj ka një karrierë progresiste më shumë se 10-vjecare në sistemin bankar, pjesë integrale e së cilës kanë qenë pjesëmarrja mjaft aktive dhe arritjet e suksesshme brenda institucioneve të ndryshme prestigjioze financiare lokale dhe atyre në rrjetin ndërkombëtar si në Austri, Poloni, Sllovaki, Ukrainë e Bjellorusi. Që prej vitit 2015 Z. Duraj mban detyrën e Shefit të Kabinetit të Guvernatorit të Bankës së Shqipërisë me përgjegjësi këshillimi, asistimi, raportimi dhe koordinimi për të gjitha çështjet e lidhura me mbarëvajtjen dhe mirëfunksionimin e Kabinetit por dhe të departamenteve të tjera të Bankës së Shqipërisë. Nga viti 2010 e deri në vitin 2015 Përgjegjës i Sektorit të Organizimit Komercial dhe Zhvillimit të Tregut në Bankën Societe Generale Albania duke luajtur një rol kryesor drejtimin strategjik, planifikimin afat-shkurtër dhe afat-gjatë, përcaktimin e objektivave kryesore, koordinimin e marrëdhënieve ndër-divizionale dhe ndër-institucionale, në nivel lokal dhe ndërkombëtar, me kompani publike dhe private, etj. Gjatë kësaj periudhe Z. Duraj ka drejtuar me sukses të paktën 15 projekte, ndër më të rëndësishmit për Bankën, dhe me një ndikim të drejtpërdrejtë në zgjerimin e aktivitetit në tregun lokal dhe në rritjen e përfitueshmërisë. Z. Duraj ka punuar nga viti 2005 deri në vitin 2010 në Raiffeisen Bank Albania dhe Raiffeisen Intenational Austria duke mbuluar pozicione kyçe të karakterit operacional dhe strategjik. Më të rëndësishmet prej tyre janë si Përgjegjës i Segmentit të Individëve, Përgjegjës i Produkteve i Kredisë Konsumatore, Drejtues i Projekteve në Programin “Retail Leadership” pranë Raiffeisen Intenational Austria, etj. Z. Duraj ka përfunduar studimet e larta në Fakultetin Ekonomik, Dega Financë – Profili Bankë, pranë Universitetit të Tiranës.

Data e publikimit: 03/04/2023
Data e skadimit: 12/04/2023

Shpallje për specialist të jashtëm pranë Agjencisë së Sigurimit të Depozitave për “Përmbushjen e disa funksioneve të pozicionit të specialistit të Financës dhe Kontabilitetit pranë Sektorit të Financës dhe Investimeve”

REPUBLIKA E SHQIPËRISË

AGJENCIA E SIGURIMIT TË DEPOZITAVE

SEKTORI I ADMINISTRATËS DHE BURIMEVE NJERËZORE

SHPALLJE

PËR SPECIALIST TË JASHTËM

Agjencia e Sigurimit të Depozitave shpall kërkesën për “Specialist i jashtëm pranë Agjencisë së Sigurimit të Depozitave për “Përmbushjen e disa funksioneve të pozicionit të specialistit të Financës dhe Kontabilitetit pranë Sektorit të Financës dhe Investimeve”.

Përmbledhje e shkurtër e punës: Specialisti i Jashtëm do të kryejë detyrat si më poshtë:

  • Regjistrimin në kohë dhe pasqyrimin e drejtë dhe të saktë të veprimeve kontabël në programin e kontabilitetit dhe raportimit, sipas Manualit Kontabël.
  • Plotësimin e dokumentacionit përkatës justifikues për të gjithë veprimet kontabël sipas ligjit shqiptar dhe në përputhje me aktet rregullative në Agjenci.
  • Mbajtjen e llogarive dhe regjistrave financiarë të veçantë për Fondet e Agjencisë dhe FNJ, me qëllim pasqyrimin në çdo kohë dhe në mënyrë të saktë të gjendjes financiare të Agjencisë dhe FNJ, në përputhje me Manualin e Kontabilitetit, Ligjin për Kontabilitetin dhe Pasqyrat Financiare, si dhe me Standartet Ndërkombëtare të Raportimit Financiar.
  • Përgatitjen e Pasqyrave financiare të Agjencisë dhe Fondit të Ndërhyrjes së Jashtëzakonshme në përputhje me standartet ndërkombëtare të raportimit financiar si edhe sigurimin e informacionit kontabël të brendshëm për nevojat e përdoruesve dhe vendimarrësve.
  • Përgatitjen e Pasqyrave Financiare periodike të Agjencisë dhe FNJ dhe informacionin shoqërues.
  • Përllogaritjet e nevojshme dhe hedhjet manuale të veprimeve kontabël në sistemin e kontabilitetit dhe raportimit, në baza periodike me qëllim hartimin e Pasqyrave Financiare sipas parimit “me të drejta të konstatuara”.

Njohuritë, aftësitë dhe eksperienca e kërkuar:

  • Të ketë përfunduar arsimin e lartë (bachelor dhe diplomë master) në Fakultetin Ekonomik dega Financë/Kontabilitet;
  • Të ketë të paktën 3 vite eksperiencë pune në financë kontabilitet;
  • Aftësi për të kuptuar propozimet dhe vendimet e cdo niveli dhe për ti zbatuar ato;
  • Të ketë aftësi për të kryer me përgjegjësi detyrat në përputhje me aktet ligjore në fuqi;
  • Njohuri të mira në përdorimin e programeve bazë kompjuterike word, Excel, Power Point;
  • Njohuri të mira në përdorimin e programeve të kontabilitetit;
  • Njohuri të mira të standarteve kombëtare të kontabilitetit dhe raportimit financiar. 
  • Njohuri të mira të gjuhës angleze;
  • Të ketë aftësi shumë të mira të komunikimit dhe punës në grup;     

Kandidatët e interesuar duhet të paraqiten pranë ambjenteve të Agjencisë në datë 18.04.2023 ora 10.00 me dokumentacionin e mëposhtëm:

  • Curriculum Vitae;
  • Diplomë të shkollës së lartë;
  • Dëshmi të ndryshme kualifikimi dhe specializimi, në qoftë se ka;
  • Deklaratë prezantuese ose vlerësim pune nga punëdhënës të mëparshëm;
  • Dëshmi të gjuhëve të huaja;
  • Fotokopje e ID-së.

Testimi përkatës do të zhvillohet në një fazë, nëpërmjet intervistimit të kandidatëve pjesëmarrës.nnKandidati i përzgjedhur do të njoftohet me një njoftim të dytë.nnPunësimi i specialistit të jashtëm në Agjenci do të realizohet nëpërmjet lidhjes së një kontrate pune me kohë të pjesshme në përputhje me kushtet e parashikuara në nenin 14 të Kodit të Punës.

Dokument: https://asd.gov.al/wp-content/uploads/2023/04/Shpallje-per-specialist-te-jashtem-prane-sektorit-te-Finances-dhe-Investimeve.doc

Filloni të shkruani dhe shtypni enter për të kërkuar

Scroll to Top